Қарағанды облысында «Отан қорғаушылары» патриоттық акциясы басталды

Қарағанды жастары «Отан қорғаушылары» патриоттық акциясына қатысуда. Облыста Отан қорғаушылар күні мен Ұлы Жеңістің 74 жылдығына арналған іс-шаралар жоспары әзірленді. Кешенді жоспарда әскери-спорттық жарыстар, байқаулар, фестивальдар, кездесулер, флешмобтар, әскерге шақырылушыларды салтанатты шығарып салу және т. б. әр түрлі форматтағы 100-ден астам іс-шаралар қарастырылған.
Акцияның мақсаты – жастардың бойында жаңа қазақстандық патриотизм қағидаттарын қалыптастыру, ұрпақтар сабақтастығын дамыту, әскери қызметтің беделін арттыру болып табылады.
Акция аясында Шахтинск қаласында 6505 әскери бөлімінде «Жас сарбаз» әскери-патриоттық әндер байқауы өтті. «Мен қазақтың сарбазы» концертіне қатысушылар сарбардар, әскери және патриоттық әндерді орындады. Байқау жеңімпаздары дипломдармен және бағалы сыйлықтармен марапатталды.