Қарағанды қаласының бас даңғылында жарық шағылыстыратын мекенжай тақтайшалары орнатылуда

Қарағандыда Бұқар Жырау даңғылында мекенжай аншлагтары өзгереді. Жаңа тақтайшалар заманауи материалдардан жасалған және ыңғайлы болады.
- Қарағанды қаласының сәулет-эстетикалық келбетін жақсарту мақсатында және тұрғындардың ыңғайлылығы үшін бүгінгі күннен бастап қаланың бас көшесі – Бұқар Жырау даңғылында жаңа аншлагтар орнату жұмыстары басталды. Олар жарық шағылыстыратын және жарық қайтарғыш қабықша секілді заманауи материалдан жасалған. Тақтайшаларды ауыстыру демеушілік қаражат және бюджеттік қаражат есебінен жүргізіледі, - деді Қарағанды қаласы Қазыбек би атындағы аудан әкімі Татьяна Шатохина.
Жаңа мекенжай тақтайшалары Кеншілер мәдениет сарайының ғимаратында және жақын маңдағы үйлерде пайда болды. Жұмыстар кезең-кезеңмен жүргізіледі: алдымен аншлагтардың өздері орнатылады, кейінірек жарық пен QR кодтарын орнатады.
Аудан әкімінің айтуынша, аншлагтарды ауыстыру Бұқар Жырау даңғылынан басталды, кейін жаңа мекенжай тақтайшалары қаланың басқа да орталық көшелеріне орнатылады.