Жеңіс Қасымбек ауыл шаруашылығы қызметкерлерін кәсіби мерекелерімен құттықтады

Қарағанды облысының аграршылары құрғақ жазға қарамастан жақсы өнім алды. 940 мың тоннадан астам жоғары сапалы астық бастырылды. 278 мың тонна картоп және 55 мың тонна көкөніс жиналды. Мал өсірушілер де жетістіктерін көрсетуде – ет пен сүт өндірісі тұрақты өсуде.

Өңір басшысы Жеңіс Қасымбек ауыл шаруашылығы қызметкерлерін кәсіби мерекелерімен құттықтады. Кездесуге сала озаттары, әулет өкілдері шақырылды.

– Биылғы 2021 жыл бәріміз үшін маңызды: біз республика тәуелсіздігінің мерейтойын атап өтеміз. Сіздер, ауыл шаруашылығы, азық-түлік және қайта өңдеу өнеркәсібі саласының қызметкерлері ел экономикасына үлкен үлес қосып отырсыздар, – деп атап өтті облыс әкімі. – Ауыл шаруашылығына инвестициялар белсенді салынуда, олардың өсуі негізгі капиталдың 130,3%-ды құрады. Жыл басынан бері 303 жұмыс орны құрылып, 11,1 млрд теңге сомасына 15 инвестициялық жоба іске асырылды. Ауылшаруашылық техникалары жақсы қарқынмен жаңартылуда. Бұл шаралардың барлығы біздің негізгі мақсатымыз - азық-түлік қауіпсіздігін қамтамасыз ету және экспорттық әлеуетті арттыруға бағытталған.

Жеңіс Қасымбек аграршыларға әлеуметтік жауапкершілігі үшін алғыс айтты. Өсімдік өсірушілер егіннің бір бөлігін астықтың резервтік қорын, картоп пен көкөністердің тұрақтандыру қорын қалыптастыруға бағыттайды. Бұл бірлескен күш-жігермен бағаны ұстап тұруға мүмкіндік береді.

Кездесуде саланы мемлекеттік қолдау туралы айтылды. Мәселен, биыл облыстық бюджеттен минералды тыңайтқыштарды субсидиялауға қосымша қаражат бөлінді. Жеңіс Қасымбек жаңа бастамалар туралы айтты – келесі жылдан бастап мемлекет суармалы егіншілік жобаларын қолдайтын болады.

Осы жылы облыс әкімінің құрмет грамоталарымен жерге деген махаббат ата-аналарынан берілген жаңа буын өкілдері марапатталды.

– Біздің облыста әкелер ісін олардың балалары лайықты жалғастыруда. Бұл – Прокоп, Толеуовтер, Ныгметовтар, Жабяк, Отарбаевтар, Каймаковтар отбасы әулеттері. Осындай сабақтастықпен өңірдің ауыл шаруашылығы одан әрі де жақсы қарқынмен дамитын болады, – деп атап өтті Жеңіс Қасымбек.

Қазақстанда қарашаның үшінші жексенбісінде ауыл шаруашылығы қызметкерлері күні атап өтіледі.

Қарағанды облысы әкімінің Құрмет грамоталарымен марапатталды:

Виталий Прокоп, «Шахтерское» ЖШС директорының орынбасары, Нұра ауданы;

Дархан Толеуов, «Ескене» ШҚ атқарушы директоры, Жаңаарқа ауданы;

Айнар Ныгметов, «Қайнар» ЖШС бас агрономы, Нұра ауданы;

Максим Жабяк, «Макс» ШҚ басшысы, Абай ауданы;

Аслан Отарбаев, «Отканжар» ЖШС директоры, Нұра ауданы;

Жасұлан Каймаков, «Агро Болашак KZ» ЖШС директоры, Осакаров ауданы;

Игорь Усатов, «Қарағанды-Нан» корпорациясының құрылтайшысы, Қарағанды қ.;

Ардақ Елюбаев, «Ынталы» ШҚ басшысы, Қарқаралы ауданы;

Қайрат Сарлыбаев, «Желдібай» ШҚ басшысы, Бұқар Жырау ауданы;

Қанат Тусупбеков, «Тау» ШҚ басшысы, Шет ауданы;

Бекболат Сағындық, «QAZAQ STEPPE SHEEP» ЖШС бас директоры, Ақтоғай ауданы.