Ерлан Қошанов облыстағы барлық балалар аттракциондарының қауіпсіздігін тексеруді тапсырды

Бүгін облыс әкімдігінде өткен аппарат жиналысында өңір басшысы Ерлан Қошанов балалар аттракциондары бойынша рейд жүргізуді тапсырды. Сондай-ақ барлық құдықтардағы қақпақтардың болуын және құрылыс алаңдарын қоршау ережелерінің сақталуын тексеру керектігін тілге тиек етті.
Осындай қауіпсіздік шаралары балалардың жиі жарақат алуына байланысты үдетілуде.
- Жазғы демалыс басталып үлгермей жатып, біз балалардың жарақаттанып, қайғылы оқиғалар орын алып жатқанын естудеміз. Барлық аттракциондардың қауіпсіздігін мұқият тексеруді тапсырамын. Барлық ашық құдықтарды табу және жабу керек. Сондай-ақ, құрылыс және басқа да алаңдардың барлық қоршауларын тексеру қажет, - деді облыс әкімі.
Сонымен қатар Ерлан Қошанов тексеру қорытындысы туралы оған жақын арада жеке баяндауды тапсырды.