Қарағандыда Арыс тұрғындарына көмек жинау пункті ашылды

Қарағанды облысында облыс, қала және аудан әкімдіктерінің қызметкерлері бір күндік жалақысын Түркістан облысының Арыс қаласының тұрғындарына көмек ретінде аударады.
Көмек көрсетемін деп ниет білдіруші қарағандылықтарға сондай-ақ Nur Otan партиясының филиалы негізінде құрылған арнайы бекетке келуге болады. Көмек жинау бекетінің мекенжайы: Қарағанды қ., Әлиханов к., 4.
Байланыс телефоны: 42-32-33, 50-20-74, 50-20-73.
Кеше Қарағанды облысы әкімдігінің бастамасымен Арыс қаласына 10 тонна гуманитарлық жүк жөнелтілді. Азық-түлік, алғашқы қажетті тауарлар, жеке гигиена құралдарын жинауда меценаттар, демеушілер және өңірдің тұрғындары көмектесті.
24 маусым күні таңертең Түркістан облысы Арыс қаласындағы №44856 әскери бөлімінің оқ-дәрі қоймасында күшті жарылыс болды. Қала тұрғындары жедел түрде көрші аудандар мен Шымкент қалаларына көшірілді. Арыс қаласында 45 мыңға жуық адам тұрады.

ТҮРКІСТАН ОБЛЫСЫ АРЫС ҚАЛАСЫНДА ЗАРДАП ШЕККЕНДЕРГЕ ҚАЙЫРЫМДЫЛЫҚ КӨМЕК "ТҮРКІСТАН" КОРПОРАТИВТІК ӘЛЕУМЕТТІК ДАМУ ҚОРЫ АРҚЫЛЫ ЖҮЗЕГЕ АСЫРЫЛАДЫ

ДЕРЕКТЕМЕЛЕР

ТҮРКІСТАН ОБЛЫСЫ, ТҮРКІСТАН ҚАЛАСЫ, ҚЫЗЫЛОРДА ТАС ЖОЛЫ, 34А ҒИМАРАТЫ,
ПОШТАЛЫҚ ИНДЕКСІ 161200
БСН 100440016000
"FORTEBANK" АҚ ТҮРКІСТАН ҚАЛАСЫНДАҒЫ ФИЛИАЛЫ
ЖСК KZ196528F0007014540
БИК KIRTYKZKA