Сәтбаевта Төлек батырға ескерткіш ашылды

Сәтбаевтың орталық көшелерінің бірінде қазақ-жоңғар соғысының батыры Төлек батырға ескерткіш орнатылды. Ол туралы көптеген өлеңдер мен тарихи аңыздар жинақталған.

Төлек батыр Қарақұм, Бұланты, Тарбағатай, Аңырақай шайқастарына, сондай-ақ Талқы-Құлжа мен Үргеніш шайқастарына қатысты. Батыр тек керемет мергендігімен ғана емес, сонымен қатар ерлік пен адалдықтың үлгісі ретінде есте қалған.

Ескерткішті орнату идеясын батырдың ұрпақтары ортаға салды. Мүсіннің авторлары Өмірхан Жүнісбеков пен Шахибаден Сейіткен болды. Оның биіктігі 4,5 метр, салмағы 3,5 тонна.

Ескерткіштің маңы жақында жаңартылған алаңмен безендірілген. Мұнда келушілер үшін қолайлы жағдайлар жасалған. Қоқыс жәшіктері, жарықтандыру, жарық аркалары, спорт және ойын алаңдары бар. Сонымен қатар автоматты суару жүйесі орнатылған.