Ерлан Кошановты қарағандылықтардың қауіпсіздігі алаңдатады

Қарағанды облысының әкімі Ерлан Кошанов аппарт отырысында жолдардағы, су қоймасындағы қайғылы оқиғалар мен көп қабатты үй терезелерінен құлап түскен балалар туралы мәселе көтерді.

- Әке ретінде мені бұл өте қатты алаңдатады. Өткен аптада екі оқиға болды, оның бірі қайғылы аяқталды. балалар өздерінің құмарлығына байланысты қауіпті және москитті тордың сенімсіздігін түсінбейді. Сондықтан, бірінші кезекте жауапкершілік сіздермен бізге артылады,- деді өңір басшысы.

Облыс әкімі Төтенше жағдайлар жөніндегі департаменттің қызметкерлеріне алдын-алу жұмыстарын күшейтуді, үгіттеу роликтерін түсіруді, іс-әрекеттердің ережелері мен қорғаныш құралдары туралы әңгімелеуге, қажеттілік болғанда пәтер бойынша аралауды ұйымдастыруды тапсырды.

- Синоптиктардың мәліметтері бойынша таяу күндері аптап ыстық күтілуде. Адамдар демалуға, шомылуға барады. Құтқарушылардың жұмысын күшейту қажет. ТЖД қызметкерлері адамдарға судағы әрекеттер ережесін түсіндірсін. Балалар қараусіз қалмауын және спиртті шамадан тыс пайдаланудан шектелуін еске салсын, - деп Қарағанды облысының әкімі атап өтті.

Сондай-ақ өңір басшысы жол-көлік оқиғаларына да зейін аударды. Полиция қызметкерлеріне Қарағанды қаласынан Топар, Балқаш, Теміртау және Баянауыл сияқты танымал демалыс орындарына жолда ЖКО алдын алу үшін трассада патрульді күшейтуді тапсырды.