Қарағандылық оқушылардың сегіз жобасы NIS оқушылары арасындағы республикалық байқауда үздік деп танылды

Қарағанды NIS оқушылары Қазақстанның барлық Назарбаев Зияткерлік мектептері арасындағы ғылыми жобалар байқауында жүлделі орындарға ие болды. Жас зерттеушілер қазылар алқасына математика, физика, химия және биология, сондай-ақ әдебиет және өлкетану бойынша жұмыстарды ұсынды.

Байқауға 300-ден астам оқушы қатысты. Қарағандылық сегіз жоба жүлделі орындарға ие болды. Тағы бір жоба арнайы грамотамен марапатталды.

I орын алған жұмыстардың бірі 12-сынып оқушысы, әртүрлі халықаралық олимпиадалардың жүлдегері Рахым Баймурзиннің "Жазықтықты бояудағы комбинаторлық есептерді шешуде графтар теориясын қолдану" жобасы болды. Ғылыми жұмыс математикамен байланысты.

9-сынып оқушысы Санжар Әбішев жасөспірімдерді оқуға тарту жолдарын зерттеп, оқу барысында алған білімдерін бекітуге көмектесетін әдістемелік құрал әзірледі. Оның жұмысын қазылар алқасы жоғары бағалады және I орынға лайық деп танылды.

11 сынып оқушысы Әлия Қуатжан жазушы Асқар Алтайдың шығармаларындағы интертекстуалды байланыстарды зерделеп, ІІ орын алды.

– Мұндай талдау жазушының әлемін тереңірек тануға, стилін анықтауға және оқырманға мәтінді түсінуге және автордың идеясын ашуға көмектеседі, – деп атап өтті Әлия.

Жүлделі жобалар арасында физика, биология, информатика, әдебиет және өлкетану бойынша ғылыми жұмыстар бар. Болашақта оқушылар өз зерттеулерін жетілдіріп, оларды республикалық және халықаралық байқауларға ұсынуды жоспарлап отыр.