Көмір шаңы төгілді

Егер кәсіпорын заманауи технологиялар бойынша жаңғыртылып, жұмыс істей бастаса, ал жергілікті ЖОО-дар мен колледждер әлі де алға жылжымай, студенттерді ескірген жүйе бойынша оқытуды жалғастырса, не істеу керек? Бірінші уақытта инженерлер мен жұмысшыларды даярлайтын шет елден оқытушыларды шақыруға болады. Содан кейін? ЖОО-да кафедраны ашу және профессорларға өз көмегін ұсыну ғана қалады. «Мэйкер» ЖШС басшылығы қалыптасқан қиын жағдайдан дәл осындай шығу жолын ұсынған.
Соңғы төрт жыл ішінде отандық нарықта жұмыс істеп келе жатқан құю-машина жасау зауыты жаңғыртуға бағыт алды. Көмір шаңын төгіп, бір кездері шахта жабдықтарына қызмет көрсететін кәсіпорын өндіріс желісін кеңейтуді шешті. Алдымен ол «Қазақмыс» корпорациясы» ЖШС құрамына еніп, өзінде бар жұмыс көлемінен басқа тау-кен жабдықтарын жөндеу бағытында да қозғала бастады.
2015 жылы зауыт дербестікке ие болды және өзінің қазіргі атауын алды. Біраз уақыттан кейін жаңғырту бойынша толық ауқымды жұмыс басталды.
- Станок паркі, зертханалар, ұйымдастыру техникасы толық жаңартылды. Конструкторлық-технологиялық салаға бірыңғай жүйе енгізілді. Бұл жерде барлық процесс екі жыл бойы жүзеге асырылғанын атап өткен жөн. Осы уақыт ішінде зауыт үздіксіз жұмыс істеді, - дейді «Мэйкер» ЖШС конструкторлық-технологиялық басқармасының жетекшісі Владимир Волынский.
Ол зауытты заманауи талаптарға сай етіп, мемлекеттің қолдауының арқасында жүзеге асырғанын атап өтті. Жоба «3.0 жаңғырту» ұлттық бағдарламасына кірді. Осы уақыт ішінде зауытқа 53 бірлік негізгі құрал - жабдықтар және 230 көмекші құрал-жабдықтар жеткізілді. Олардың 35-і Еуроодақ елдері мен Оңтүстік Кореяның жетекші фирмаларынан заманауи металл кесетін станоктар.
Механикалық құрастру цехі толықтай қалпына келтірілді, қазіргі таңда онда сандық бағдарлама арқылы басқарылатын (СББ) жаңа станоктардың 80%-дан астамы жұмыс істейді. Олардың арқасында еңбек өнімділігі алты есеге артты.
Бірақ бастапқыдар барлығы оңай болды деп айту қиын. Бұл зауытта үлкен проблема пайда болды. Сатып алынған жабдық жарамсыз болып қалу қаупі туындаған. Бірде бір қазақстандық ЖОО-да немесе колледжде СББ станоктарының инженерлері мен операторларын оқытқан жоқ.
- Біз өзімізге қажетті қызметкерлерді оқытуды шештік. Ресейлік консалтингтік компанияларының бірін жұмылдырдық, ол бастапқы кезеңде 52 инженер мен 70-тен астам жұмысшыны дайындауға көмектесті. Кейін лицензиялық оқу бағдарламаларын сатып алып, практикалық сабақтар өткізілген кабинетті жайғастырдық. Ал біраз уақыт бұрын ҚарМТУ жанында өзіміздің кафедрамызды аштық. Енді біздің қызметкерлер аптасына екі рет студенттерге дәріс оқиды. Алғашқы «қарлығаштарымыз» екі жылдан кейін шығарылады, біз оларды өзіміздің кәсіпорында күтеміз, - дейді Владимир Волынский.
Өндіріске келетін болсақ, қазіргі уақытта «Мэйкер» ЖШС тау-кен өндіруші кәсіпорындар үшін ғана емес, басқа да өнеркәсіпшілер үшін қосалқы бөлшектер дайындайтын бес мыңнан астам өнім түрін шығарады. Негізгі тапсырыс беруші «Қазақмыс» корпорациясы» ЖШС болып қалғанына қарамастан, зауыт басқа да қазақстандық компаниялармен де ынтымақтасады. Ал соңғы уақытта шетелден ынтымақтастық туралы ұсыныстар келіп түсуде.
Кәсіпорында қосалқы бөлшектер мен аса күрделі жабдықтарды шығаратын 800 қарағандылық еңбек етеді. Жыл сайын олар өндіріс көлемін ұлғайтуға тырысады. Владимир Волынскийдің айтуынша, оларды тағы да 30%-ға көтеру жоспарда бар. Оның үстіне, мұны «Бірге - бірге жүзеге асырамыз» бағдарламасында Мемлекет басшысы атап өткен болатын.
Қасым-Жомарт Тоқаев еңбек өнімділігін арттыруды ынталандыру, ұзақ мерзімді бәсекеге қабілеттілікті қамтамасыз етуге қабілетті салалар мен бағыттарды айқындау, халықаралық сапа стандарттарын енгізетін және өз өнімімен жаңа нарықтарға шығатын кәсіпорындарды қолдау және отандық өнеркәсіптегі сапаны арттыру жөніндегі басқа да шараларды анықтады. Бұған қарағандылық өндірушілер де ұмтылуда.