Қарағандылық Бекарыс Оспанов «Бұхарекең жырлайды» байқауында үздік суырып салма ақын атанды

Қарағандыда жыл сайынғы «Бұхарекең жырлайды» атты ақындар байқауы өтті. Ұйымдастырушылар – облыстық Қазақстан халқы Ассамблеясы және «Рухани жаңғыру» жобалық кеңсесі.

«Байқауға Қарағанды облысының әр өңірінен жас таланттар қатысты, олар жыраулар поэзиясы стилінде жазылған өз шығармаларын оқып, жыраулар өлеңдерін орындау бойынша сайысқа түсті. Қазылар алқасы бағалау кезінде сахналық мәдениетке, сондай-ақ оқу және орындау стиліне, қатысушы жатқа білетін шығармалар санына назар аударды», – дейді ұйымдастырушылар.

Шығармашылық жарыстың қорытындысы бойынша «Бұқар жырау оқулары» номинациясы бойынша Маралжан Мадинеш (Бұқар Жырау ауданы), «Әлемді түгел көрсе де» номинациясы бойынша Милана Мених (Қарағанды), «Жыршы-жырау» номинациясы бойынша Ұланғасыр Кәмиев (Шет ауданы) және «Бұқар жырауша» басты номинациясы бойынша үздік суырып салма ақын Бекарыс Оспанов (Қарағанды) жеңіске жетті.

Байқау 14-ші рет өткізілді. Жыл өткен сайын оған қатысуға ниет білдірушілер саны артып келеді.