Қарағандыда Қали Байжанов атындағы концерттік бірлестіктің алғашқы әртістеріне мемориалдық тақта ашылды

Қарағандыда Қали Байжанов атындағы Қарағанды концерттік бірлестігінің алғашқы қатысушылары – өнер қайраткерлері мен халық әртістеріне мемориалдық тақта ашылды. Тақтайша Чкалов көшесіндегі №3 үйге орнатылды.

– 1938 жылы қазіргі концерттік бірлестіктің негізі қаланды. Радиода қазақ хоры ретінде құрылған шағын ұжым бүгінгі таңда Қазақстандағы жетекші ұжымдардың біріне айналды. Біз филармонияның өмірлерін өнерге арнаған алғашқы әртістерін атап өтуді өзіміздің парызымыз деп санаймыз. Біздің мақсатымыз бүгінгі концерттік бірлестіктің негізін қалаушылар жұмыс істеген ғимараттың Қарағанды тарихына енуін қамтамасыз ету болды, – деді концерттік бірлестіктің жетекшісі Талғат Ыдырысов.

Мемориалды тақтаның ашылуына Қарағанды облысының мәдениет, архивтер және құжаттама басқармасының басшысы Еркебұлан Жұмакенов, ҚР еңбек сіңірген қайраткері Рымбала Омарбекова және басқалары қатысты.