Вакцина алған тұрғындар саны бойынша Приозёрск, Қаражал және Қарқаралы аудандары Қарағанды облысында көш бастап тұр

Қарағанды облысында COVID-19-ға қарсы вакцинация науқаны жалғасуда. Аймақта тұрғындарды иммундау бойынша Приозёрск, Қаражал және Қарқаралы аудандары көш бастап тұр.

Приозёрск қаласында коронавирустық инфекцияға қарсы вакцинаның бірінші компонентімен 6 153 адам егілді, екіншісімен – 4 940 адам. Қаражалда (соның ішінде Жәйрем кентінде) 9 132 – бірінші және 8 303 – екінші компонент алды. Қарқаралы ауданында бірінші компонентпен 12 774 тұрғын, екінші компонентпен – 10 653 адам екпе алды.

– Қарқаралы ауданында вакцинация сәуір айында басталды. Бастапқыда тұрғындар вакцина алуға асықпады. Сондықтан мен халықпен кездесулер ұйымдастырдым, онда коронавирустың қауіптілігі, өткен жылы қандай қиындықтарға тап болғанымыз туралы айттым, – дейді аудандық аурухана директорының орынбасары Назира Ыдырысова. – Біртіндеп адамдар вакцинациялана бастады. Бүгінгі күні бірінші компонентке ауданның ересек халқының 87%-ы егілді.

Қарқаралы ауданында екі вакцинация пункті жұмыс істейді – орталық аудандық ауруханада және Егіндібұлақ ауылдық учаскелік ауруханасында. Олар жаңа мұздатқыштармен жабдықталған. Сондай-ақ, ауданда төрт көшпелі мобильді бригада жұмыс істейді.

– Бүгінгі таңда COVID-19-бен стационарда 15 адам жатыр. Олардың барлығы вакцинацияланбаған. Иммундалғандардың арасында инфекция жағдайлары да тіркелген, бірақ оларда коронавирус жеңіл өтуде, – деп қосты Назира Ыдырысова.

Қарағанды облысында 29 қыркүйектегі жағдай бойынша вакцинаның бірінші компонентін 520 078 тұрғын, екіншісін – 460 242 адам алды.