Серәлі Қожамқұлов атындағы Жезқазған театрының 50-ші театр маусымы форум-фестивальмен ашылады

21–24 қыркүйек аралығында Жезқазған қазақ музыкалық драма театрында ҚазКСРО Халық әртісі, Социалистік Еңбек Ері Серәлі Қожамқұловтың 125 жылдығына арналған Ж. Хаджиев атындағы халықаралық форум-фестиваль өтеді. Осы іс-шарамен театр 50-ші шығармашылық маусымын ашады.

Жиырма екінші қыркүйек күні сағат 18:00-де «Қазақ сахнасының ірі тұлғасы» көрмесі өтеді, онда Серәлі Қожамқұловтың шығармашылық өмірбаянынан бірегей фотосуреттер, оның жеке заттары мен сахналық костюмдері ұсынылады. Содан кейін сағат 18:30-да Иран-Ғайыптың «Мен ішпеген у бар ма?» спектаклінің көрсетілімі басталады.

Форум-фестивальде жас актёрлерге арналған актёрлік шеберлік, сахналық қозғалыс және сөйлеу бойынша шеберлік сабақтары мен тренингтер өткізіледі. Оған Қостанай, Шымкент, Көкшетау, Қызылорда, Өскемен, Қарағанды және Жезқазған театрларының жастары қатысады.

Форумға белгілі театр және кино актёрлері, режиссёрлер, өнертанушылар және театртанушылар сарапшы және спикерлер ретінде қатысады.