Қарағанды шахталарында жерасты көлік паркі жаңартылды

«АрселорМиттал Теміртау» АҚ Көмір департаментінің шахталары сегіз жаңа локомотив алды. Оларды сатып алуға 2 млн АҚШ долларынан астам қаражат жұмсалды.

Ferrit шығарған локомотивтердің екі түрі адамдарды жер астында тасымалдауға және тау-кен жабдықтарын тасымалдауға арналған. Машиналар заманауи басқару және бақылау құралдарымен жабдықталған.

Техника кәсіпорындар арасында таратылды. Жаңа локомотивтерді В.И. Ленин атындағы, «Қазақстан», «Шахтинская», «Абай», «Саран», Т. Күзембаев атындағы шахталар алды.

Кеншілердің еңбегі қауіпсіз бола түсуде, деп атап өтті Көмір департаментінде. Жабдық әлі де жаңартылады. Қазір жер асты көлік паркі шамамен 80 бірлік техниканы құрайды.