2021 жылы «Бастау Бизнес» жобасы бойынша 57 балқаш тұрғыны мемлекеттік гранттар алды

Жыл басынан бері Балқаштың 57 тұрғыны «Бастау Бизнес» жобасы бойынша мемлекеттік гранттарды ұтып алды. Жалпы сомасы шамамен 33 миллион теңгені құрады.
Кәсіпкерлік негіздеріне оқыту «Атамекен» КП 21 күн ішінде жүргізіледі. 2021 жылы 69 балқаштық курстан өтті. Жақында бағдарламаның бесінші легі аяқталды. Арнайы комиссия ұсынылған 10 жобаның ішінен ең өзекті алтауын таңдады.
– Ісін жаңадан бастаған бизнесмендердің әрқайсысы 200 АЕК (583 400 теңге) алды, – дейді жұмыспен қамту орталығының жұмыс берушілерді қолдау бөлімінің басшысы Жанбота Жәнімхан. – Бизнес-идеялар арасында сұлулық салоны мен аяқ киім жөндеу шеберханасын ашу жобасы бар. Ақша аударылғаннан кейін кәсіпкерлер қажетті жабдықты сатып алып, жұмыс істей бастайды. Үш айдан кейін біз грант иелерінің өз ісін қалай дамытып жатқанын міндетті түрде тексереміз.