Абай ауданында Шерубай батыр ескерткіші қалпына келтірілді

Топар кентіндегі "Жастар Альянсы" ҚБ еріктілері мен Абай атындағы жалпы білім беретін мектеп педагогтарының күшімен Шерубай батырға ескерткіш орнатылды. Нысанды қалпына келтіруге 15 адам қатысты.

– Естелік белгі ұзақ жылдар бойы нашар күйде болды. Біздің климат, температуралық режимнің өзгеруі де өз әсерін тигізді. Сондай-ақ ескерткіштің айналасында тұрмыстық қалдықтар үйіндісі пайда болды. Бұл жерге ешкім ерекше қарамады, сондықтан біз нысанды қалпына келтіріп, іргелес аумақты тазартуды шештік. Бұл біздің тарихымыз ғой, – деп атап өтті "Жастар Альянсы" ҚБ басшысы Темірлан Кәкенов.

Акцияға қатысушылар қоршауды, қалқан мен найзаны бояп қана қоймай, ескерткіштің өзі орнатылған іргетасты нығайтты.