Жаңаарқалық бақшашы жергілікті тұрғындарды қарбыздармен қамтамасыз етеді

Жаңаарқа ауданының тұрғыны Сержан Түсіпбеков жергілікті халықты тәтті жидектермен қамтамасыз етіп, қарбыз өсіреді.

Қарбызды өсіру идеясын көп балалы әке Сержан Түсіпбеков бұрыннан ойластырған. Ол бақша шаруашылығы тақырыбын жан-жақты зерттеп, жыл басында аудан басшысы Юржан Бекқожиннен көмек сұраған. Кәсіпкер қарбыз өсіру жоспарын ұсынып, оған жер бөлуді сұрады. Жер мәселелері жөніндегі комиссияның шешімімен оған 2 гектар жер бөлінді.

Жерді алғаннан кейін, бақшашы оны дереу өңдеп, қарбыз отырғызды. Кәсіпкерге барлық туыстары көмектеседі. Болашақта аграрий егіс алаңын ұлғайтып, одан да көп жидек өсіруге ниетті.

Жаңаарқа ауданы әкімдігінің баспасөз қызметінің ақпараты бойынша