Абай қаласы мерейтой алдында абаттандырылады

Биыл Абай қаласына 60 жыл толады. Мерейтой қарсаңында қалада абаттандыру және автожолдарды орташа жөндеу бойынша ауқымды жұмыстар жүргізілуде.

27 орамның бірнеше аулаларында және 3-шағын аудандағы №37, 38, 39, 40 және 41 үйлерде жиектастар орнатылған жолдарға асфальт төсеу жұмыстары жүргізілуде, содан кейін жаяу жүргіншілер өткелдері мен тротуарлар жайластырылады. Сонымен қатар, мұнда орындықтар, балалар алаңы және тұрақ орындарын асфальттау қарастырылған.

– Қалада Школьная көшесі мен 4-шағын ауданда заманауи балалар алаңдары орнатылды. Шағын ауданда футбол алаңы да жабдықталған. Енді бұл алаңдар балалардың серуендейтін сүйікті орнына айналды, – деп атап өтті Абай қаласы әкімі аппаратының әлеуметтік мәселелер жөніндегі бас маманы Мәди Құсайынов.

4-ші шағын ауданның тұрғыны Гүлмира Мүкенова балаларының жаңа алаңда қуана ойнайтынын айтты.

– Бұрын біздің шағын ауданда балалар алаңда ойнады, онда ештеңе болған жоқ, – дейді Гүлмира Мүкенова. – Енді балалардың қуанышында шек жоқ. Оларда заманауи алаң пайда болды. Біздің тұрғындар мен балалар барлық жаңа құрылымдарды қорғайды деп үміттенеміз.