"Мерейтойға барды": қарағанды тұрғыны вакцинациялау туралы өз ойын айтты

Қарағандылық Людмила Иванченко жақында туған әпкесінен айырылды: ол коронавирусқа төтеп бере алмады. Қала тұрғыны отбасылық қайғылы оқиғадан кейін вакцинациялау туралы шешім қабылдаған.

Людмила Иванченко 63 жаста. Шілдеде ол "Спутник V" бірінші компонентін алды, ал жақында №3 емханаға вакцинаның екінші дозасын алу үшін келді.

– Мен қатты қорқамын: менің әпкем коронавирустан қайтыс болды. Ол 68 жаста еді, қайғылы оқиғаға дейін досының мерейтойына барды. Құрбысы, бәлкім, ауыратыны туралы білмеген болар. Нәтижесінде менің әпкем вирус жұқтырып, қатты ауырып қалды, содан кейін ол қайтыс болды. Оның досы әлі ауруханада жатыр. Оның бүкіл отбасы да жұқтырды", – дейді Людмила Иванченко.

Әйел гипертониядан және созылмалы бүйрек ауруынан зардап шегеді. Вакцинаның бірінші компонентін алғаннан кейін әлсіздік пен температурасының көтерілуін сезінген.

– Мен вакцинациядан өтемін деп шештім, себебі жұқтырудан қорқамын. Қоғамдық орындарға аса көп бармаймын, бірақ автобуспен барып, азық-түлік алу үшін дүкенге баруға тура келеді, – деп қосты қарағандылық.