Қаражалдықтар "1001 мақал, 101 жұмбақ" сайысына қатысты

Қарағанды облысының Қаражал қаласында "1001 мақал, 101 жұмбақ" зияткерлік байқауы өтті. Оған екі команда қатысты, олардың құрамында жергілікті Жастар ресурстық орталығының қызметкерлері және мектеп педагогтары болды.

Зияткерлік доданы қаланың мәдени-сауық орталығы ұйымдастырды. Іс-шара қатысушылардың шектеулі санымен және көрермендерсіз офлайн режимінде өткізілді.

– Пандемияға байланысты біз іс-шараны шектеулі қатысушылармен және санитарлық нормаларға сәйкес өткіздік. Байқаудың мақсаты ұмыт болған мақал-мәтелдерді, жұмбақтарды, мақалдарды және фольклорға деген қызығушылықты жандандыру болып табылады, – деп атап өтті іс-шараны ұйымдастырушы Фарида Түсіпова.

Екі команда да жақсы дайындықтарын көрсетті. Олар өздерін "Жалынды жастар тобы"(жастар ресурстық орталығының қызметкерлері) және "Тұлпар" (педагогтар командасы) деп атады. Байқау алты кезеңнен тұрды. Ең алдымен командалар үй тапсырмасын тексерді. Олар үш ерекше және сирек кездесетін мақал-мәтелдерді айту керек еді. Екінші кезеңде оларға мақал-мәтелдерді жалғастыру ұсынылды. Содан кейін суреттерге назар аудара отырып, мақал немесе жұмбақ құрау керек болды. Төртінші турда олар жұмбақтарды шешті. Бесінші кезеңде командалар қарсыластары үшін дайындаған жұмбақтарын айтты. Соңында жүргізушінің жұмбақтарын шешіп, оларды мақал-мәтелдерге айналдыруы керек еді.

– Бізге жеңімпаздарды анықтау қиын болды, бірақ бұл байқау болғандықтан, таңдау жасауға тура келді. "Тұлпар" командасы ең көп ұпай жинап, зияткерлік ойынның жеңімпазы атанды. Біз осындай іс-шараларды әр екі ай сайын өткіземіз. Тамыз айында мемлекеттік қызметкерлер арасында дебаттық турнир өткізуді жоспарлап отырмыз, – деді Фарида Түсіпова.

Жеңімпаздар алғыс хаттармен және бағалы сыйлықтармен марапатталды.