Қарағанды облысының Осакаровка кентінде сфералық айналар орнатылады

Қарағанды облысының Осакаровка кентінде жол қозғалысы қауіпсіздігі үшін сфералық айналар орнатылады.

Осындай айналарды аудан орталығына орнату туралы ұсыныс жергілікті тұрғындардан келіп түсті. Олар кент әкімдігінің телеграм-чатына хабарласып, Школьная-Байғабылов қиылысындағы бұрылысты көруге кедергі келтіретін металл қоршауларға шағымданды. Бұл мәселені талқылау барысында қауіпті учаскелерде сфералық айналар орнату туралы шешім қабылданды.

– Бұл айналар қауіпсіз жол қозғалысы үшін қажет. Бұл қиылыстағы шолу өте төмен. Жолдардағы сфералық айналар көрінбейтін жерлерді жоюға арналған. Негізінен олар тік және тар бұрылыстарға орнатылады. Олар қарама-қарсы жолақта қозғалысты көруге мүмкіндік береді, бұл өз кезегінде апат қаупін азайтады. Бұл айналар жолдағы шолу тіпті түнде де жақсы болатындай етіп жобаланған, – деп атап өтті Осакаровка кентінің әкімі Серік Әкіжанов.

Әзірге Осакаровкада бір сфералық айна орнатылған. Жақын арада тағы бір осындай нысан Школьная мен Шахматная көшелерінің қиылысында пайда болады. Сфералық айналарды орнату эксперименттік тәртіпте жүзеге асырылады.