Қарағандылықтарға өз ісін ашуға мемлекеттік грантты қалай алуға болады

Қарағандының жұмыспен қамту орталығы «Бастау Бизнес» бағдарламасы бойынша немесе Жұмыспен қамту орталығы арқылы қысқа мерзімді кәсіптік оқуды аяқтаған қала тұрғындарын нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасына қатысуға шақырады. Бағдарлама бизнес-идеяларды іске асыруға грант алуға мүмкіндік береді.

Бағдарламаға келесі санаттағы адамдар қатыса алады:

- халықты жұмыспен қамту орталықтарында тіркелуіне қарамастан жұмыссыздар;

- мемлекеттік тіркеу мерзімі бір жылдан кем кәсіпкерлер;

- өзін-өзі жұмыспен қамтығандар (бірыңғай жиынтық төлем төлеушілер);

- аз қамтылған және (немесе) көп балалы отбасылардың мүшелері – АӘК алушылар, сондай-ақ қоныс аударушылар мен қандастар (бұл ретте оқудан өту талап етілмейді).

Бағдарламаға қатысу үшін Қарағанды қаласының Халықты жұмыспен қамту орталығына Бұқар жырау даңғылы, 51/4 мекенжайы бойынша хабарласу қажет.

Анықтама телефондары: 996-394, 996-393.