Қарағанды Жастар ресурстық орталығы қалалық сурет байқауын өткізеді

Халықаралық нашақорлыққа және есірткінің заңсыз айналымына қарсы күрес күні қарсаңында Қарағанды Жастар ресурстық орталығы "Біз есірткіге қарсымыз" атты қалалық сурет байқауын жариялайды.

Байқауға 14-тен 28 жасқа дейінгі қала тұрғындары қатыса алады. Өтінімдер 18-23 маусым аралығында қабылданады.

Қатысушы байқауға салауатты өмір салтын насихаттайтын суреттерді ұсынуы тиіс.

Байқауға қатысу үшін:

- @qaragandy_jastary аккаунтына жазылу;

- міндетті түрде @qaragandy_jastary белгілеп, салған суретіңіздің фотосын өз парағыңызға орналастыруыңыз керек.

Байқау қорытындысы 25 маусымда шығарылады. Үздік үш жұмыстың авторлары дипломдар және сыйлықтармен марапатталады.

Байқау туралы толығырақ ақпаратты 50-40-62 нөмірі арқылы немесе тікелей @qaragandy_jastary арқылы білуге болады.