Жас қарағандылықтарды Елорда күніне орай асфальтқа сурет салуға шақырады

Қарағанды кеншілер мәдениет сарайы балаларды "Менің Астанам" атты асфальтта сурет салу байқауына шақырады. 8–13 жас аралығындағы балалар елорданы туған күнімен құттықтайды.

Байқау 6 шілдеде сағат 12:00-де мәдениет үйінің алдындағы алаңда өтеді. Оның негізгі тақырыбы – Нұр-Сұлтан, оның көрікті жерлері, көшелері мен тұрғындары.

Іс-шараға қатысу үшін 5 шілдеге дейін WhatsApp (+7-775-710-50-94) арқылы тіркелу қажет. Орындар саны шектеулі. Карантиндік шектеулерге байланысты 20-дан артық адам тіркеле алмайды.

Байқаудың барлық қатысушылары дипломдар мен сыйлықтарға ие болады.

Толығырақ ақпарат келесі телефон нөмірлері бойынша қол жетімді: (8-7212) 41-27-26, +7-707-121-83- 99, +7-708-294-15-36.