Теміртаулық балалар театрында "Арамтамақ" комедиясының премьерасы өтеді

5 маусымда Теміртау балалар мен жасөспірімдер театрының Үлкен залында Иван Тургеневтің "Арамтамақ" пьесасы бойынша спектакль премьерасы өтеді. Қоюшы режиссері Чуваш Республикасы Мемлекеттік сыйлығының лауреаты Станислав Васильев.

"Арамтамақ" – бұл Тургеневтің өмірлік тарихы, қонақ күтуді ұнататын анасыны туралы баяндайтын шығарма. "Арамтамақтың" некесіз туған баласы бар. Жазушының да шаруа әйелінен қызы болған, ол баланы Тургеневтің анасы тартып алып, пансионатқа тапсырып жіберген…

Режиссердің айтуынша, пьеса әлеуметтік тұрғыда қойылған, оны отбасымен көруге болады.

– Біз бәріміз арамтамақтармыз. Қазіргі әлемнің кез-келген адамы. Біз өзімізге қосымша сұрақтар қоюдан қорқамыз. Біз үшін өзгелер шешім қабылдағанын қалап тұрамыз. Біз бостандық бағытында қосымша қадам жасаудан қорқамыз, таңдаудан қорқамыз... – деп пайымдайды Станислав Васильев. – Бірақ пьесадағы ең бастысы – адамдар барлық өмірлік құрсаудан арылып, қандай да бір бостандыққа қол жеткізе алатынын жеткізу.