Қарағандылық студенттер Димкеш Мұқановтың атаулы стипендиясының иегерлері атанды

Е. А. Бөкетов атындағы Қарағанды университетінде он студентке Димкеш Мұқанов атындағы ғылыми стипендия берілді. Ол ҚарУ физика-техникалық факультетінің академиялық және ғылыми-зерттеу қызметінде айтарлықтай жетістіктерге қол жеткізген студенттерге беріледі.

Стипендия 2017 жылы құрылды. Сол кезде радиофизика және электроника кафедрасының алты оқушысы оның лауреаттары атанды.

Биыл ғалым, техника ғылымдарының докторы, профессор, ҚР Ғылым және техника саласындағы мемлекеттік сыйлықтың екі мәрте лауреаты, Қарағанды қаласының Құрметті азаматы Димкеш Мұқановтың туғанына 85 жыл толады. Атаулы шәкіртақыдан басқа студенттер сертификаттар мен сыйлықтар алды.

Е. А. Бөкетов атындағы ҚарУ баспасөз қызметінің ақпараты бойынша