Қарағанды әскери бөлімдерінде Ашық есік күндері өтуде

Отан қорғаушылар күні қарсаңында «Астана» ҚР Әскери бөлімдерінің басшылығы жастарды әскери өмірмен таныстырды. Мұнда «Жас сарбаз» республикалық балалар-жасөспірімдер әскери-патриоттық қозғалысының тәрбиеленушілері мен 9-11 сынып оқушылары үшін экскурсиялар өткізіле бастады.

Ашық есік күндерінің бірі «Астана» өңірлік қолбасшылығының механикаландырылған бригадасында өтті. Қарағанды қаласының №33 орта мектебі мен «Жас сарбаз» сынып оқушылары үшін әскерилердің жұмыс күндеріне қысқаша экскурсия өткізілді.

Оқушыларға қару-жарақ пен әскери техника көрсетілді, атыс қаруының үлгілері бар шағын экспозиция ұсынылды. Бөлім аумағы, казармалар, сарбаздардың оқу сыныптары, асхана және спорт қалашығы бойынша экскурсия өтті.

– Біз бір күнімізді армияда өткіздік деп айта аламыз. Бізді қару-жарақпен және әскери техникамен, сондай-ақ мерзімді қызметтегі сарбаздардың өмірімен және тұрмысымен таныстырды, – деп бөлісті «Жас сарбаз» тәрбиеленушісі Арина Сухорукова.