Қазақстандықтарды интернет-кастингке қатысып, кинода рөл алуға шақырады

Республика бойынша киноға түсіру үшін жаңа тұлғаларды іздеу бойынша JANASTAR интернет-байқауы басталды. Жеңімпаздарды фильмдер мен сериалдардағы рөлдер күтеді.

Ұйымдастырушылардың айтуынша, байқау екі категорияда өтеді - Grant және Commerce. Grant санатына қатысқысы келетіндер TikTok әлеуметтік желісіндегі парақшасында #JANASTARFILM хэштегімен бейне жұмыстарын қойып, @janastarfilm байқауының аккаунтын белгілеуі керек. Commerce конкурсанттары өз жұмыстарын www.janastar.kz сайтына орналастырулары қажет. Екі санатқа бір уақытта қатысуға рұқсат етіледі.

Жеңімпаздар халықтық онлайн дауыс беру арқылы анықталады. Grant санатында қатысушылардың тағдырын TikTok әлеуметтік желісіндегі қатысушылардың бейнесіне лайк саны анықтайды. Commerce санатында ең лайықты адам бейнесінің астында "жұлдыздардың" максималды санын алу керек. "Жұлдыздарды" www.janastar.kz байқау сайтынан алуға болады.

Екі жеңімпаз ұйымдастырушы есебінен актерлік шеберлік курстарында оқудан өтеді. Бітіру емтихандарының нәтижелері бойынша олар кинодағы кепілдендірілген рөлдерге ие болады.

Байқау туралы толық ақпарат www.janastar.kz сайтында.