Приозерск қаласында 24 отбасы баспаналы болды

Приозерск қаласының жиырма төрт тұрғыны қаланың 65 жылдығына және Қазақстан Республикасы Тәуелсіздігінің 30 жылдығына орай пәтер кілттеріне ие болды. Қала тұрғындары "Қолжетімді баспана - 2020" мемлекеттік бағдарламасы бойынша баспанамен қамтамасыз етілді.

Жаңадан қоныстанушылар арасында көпбалалы отбасылар, жалғыз баспанасы апатты деп танылған тұрғындар, толық емес отбасылар және бюджеттік сала қызметкерлері бар.

Приозерск тұрғындары Достық көшесіндегі №1 24 пәтерлі үйден тұрғын үй алды.

- Сіздерді өміріңіздегі тамаша оқиға - жеке тұрғын үй алуларыңызбен құттықтаймын. Сіздердің пәтерлеріңіз шаттықа толы болсын және балалардың күлкісі естілсін! Байлық, қуаныш пен амандық тілейміз! - деп Приозёрск қаласының әкімі Қайрат Қамзин қоныс иелерін құттықтады.