«Біздің бойымыздағы чемпион»: Ақтау кентінде жас спортшыларға арналған шеберлік сыныптары өткізілді
Ақтау кентінің спорт кешенінде «Біздің бойымыздағы чемпион» атты балаларға арналған көрсетілімдік жаттығу өтті. Бұрынғы кәсіби спортшылар спорттың екі түрі: бокс және дзюдо бойынша шеберлік сабақтарын өткізді.
- Бұл кешенде спортпен айналысу үшін өте жақсы жағдайлар жасалған: бокс рингі, дзюдоға арналған татами, тренажер залдары бар. Болашақта жақсы нәтиже көрсету үшін балаларға барлық жағдай жасалған деп ойлаймын, - деп атап өтті бокстан спорт шебері Алмат Серімов.
Жас спортшылар өз шеберліктерін көрсетті. Бірлескен жаттығу оларға өз қабілеттеріне сенімділік беріп қана қоймай, спортта үлкен жетістіктерге жету армандарын бір қадам жақындата түсті.
- Біз Алматпен бірге балаларға спортпен шұғылдану өте маңызды екенін, өзімізге сену және армандау керектігін жеткізуге тырыстық. Әрбір нағыз чемпион өзі айналысатын спорт түріне барынша назар аударуы керек, ал сәттілік оған міндетті түрде келеді. Ақтау кентінде Әлем чемпиондары да, Олимпиада чемпионы да бар. Сондықтан, менің ойымша, балалардың жаңа жеңістері алыс емес, - деді Теміртау қаласының дзюдо, самбо және қазақша күрес федерациясының вице-президенті Алексей Ломакин.