Қарағандылық оқушы ғарыш қоқысын жинау жүйесін ұсынды

Қарағандының Назарбаев Зияткерлік мектебінде физика айлығы өтуде. Ғылыми жобалар байқауында оныншы сынып оқушысы Георгий Шатов көзге түсті.

Оқушы Жер орбитасынан ұсақ ғарыш қоқыстарын жоюдың жаңа әдісін ұсынды.

- Тақырыптың өзектілігі - ғарыш қоқыстарын жинау үшін роботты жүйелерді құру қажеттілігі. Болашақта ол ғарыш аппараттарын ұшыру кезінде кедергілер тудыруы мүмкін, - деп санайды жоба авторы.

Айлық аясында НЗМ-де "Не? Қайда? Қашан?" зияткелік ойыны өтті. Сегізінші сынып оқушылары физиканың үздік білгірлері атағы үшін жарысты. Жетінші сынып оқушылары физика пәні бойынша үздік Lapbook (қолдан жасалған кітап) байқауына қатысты.