Игі істер марафоны
Қарағанды облысы әкімінің орынбасары Абзал Нүкеновтың төрағалығымен өткен мемлекеттік органдардың ҮЕҰ-мен өзара іс-қимылы жөніндегі кеңестің кеңейтілген отырысында үкіметтік емес сектордың ел өміріне қатысуы, оның даму әлеуеті және проблемалық мәселелер туралы айтылды.
Азаматтық қоғам институттарының Тәуелсіздіктің 30 жылдығын мерекелеуге қатысу мәселелері қаралды. Сонымен қатар, кездесуге қатысушылар "үшінші сектордың" қазіргі жағдайын талқылап, жақын арадағы жоспарлармен бөлісті. Сондай-ақ, ҮЕҰ дерекқорына мәліметтерді тапсыру және жұмыс істемейтін ұйымдарды мәжбүрлеп тарату рәсімдерінің тақырыптары көтерілді. Отырысты ашқан Абзал Нүкенов өткен жыл Қазақстан халқының қаншалықты ұйымшыл және біртұтас екенін көрсеткенін атап өтті. Тек біздің өңірде жеті мыңнан астам еріктілер 150 мыңнан астам мұқтаж азаматтарға көмек көрсетті.
- Өкінішке орай, пандемия әлі де жүріп жатыр және алда көп жұмыс бар. Биыл біз әлеуметтік қорғауға барынша көңіл бөлуді жалғастырамыз. Өзінің патриотизмін дәлелдеген жастармен өзара іс-қимыл басым бағыт болып қала береді. Биылғы жыл біз үшін ерекше жыл, өйткені ол тәуелсіздіктің 30 жылдығы аясында өтуде. Ел жаңа онжылдыққа аяқ басты. Бұл - мемлекеттіліктің жандануын, көптеген ұрпақтың арманының орындалуын білдіретін маңызды кезең. Президентіміз Қасым-Жомарт Тоқаев атап өткендей, қазақстандықтар үшін Тәуелсіздік - ең басты құндылық, - деп атап өтті облыс әкімінің орынбасары.
Тәуелсіздіктің 30 жылдығын мерекелеу аясында бірлескен жобаларды іске асыруды талқылай отырып, кеңес мүшелері бірінші кезекте халықтың әл-ауқатын арттыру мәселелерін шешуге күш салатындарын, азаматтардың әлеуметтік көңіл-күйін жақсарту жөніндегі жұмысты жалғастыратындарын атап өтті.Абзал Нүкенов хабарлағандай, биыл 150-ден астам іс-шара жоспарланған, оның ішінде 30 негізгі іс-шара бөлініп, олар игі істер марафонына кіреді. "Талбесік" қозғалысының жетекшісі Ләззат Қожахмет аймақтағы ҮЕҰ үшін ортақ алаң құруды ұсынды. Ол сондай-ақ біздің сарапшылар қандай да бір заң жобаларын талқылау кезінде жұмыс топтарына батыл кіре алатынын атап өтті. "Ана - Мама" ҚҚ тең құрылтайшысы Марат Түсіпов өскелең ұрпақтың бос уақыты мен аула клубтарының қызметін жақсарту тақырыбын көтерді. Спикердің пікірінше, пандемия кезінде балалар үйде отыруға мәжбүр болған кезде аталмыш клубтар ерекше маңызға ие. "Жас орда" Студенттік қауымдастығының өкілі, ҚарТУ департамент директоры Рустам Бузяков волонтерлік қызметті одан әрі жалғастыру, сондай-ақ студенттік жастарды ғылыми-зерттеу жұмыстарына тартуға ниетті. Азаматтық сектор еліміздің ауқымды оқиғасына - Тәуелсіздіктің 30 жылдығына өз үлесін қосады, деп сендірді Ішкі саясат басқармасының басшысы Ерлан Құсайын.
- Өкінішке орай, пандемия өз түзетулерін жасады. 2020 жылы жоспарланған 263 әлеуметтік жобаның 178-і іске асырылды. Олардың көпшілігі эпидемиологиялық жағдайды ескере отырып, қайта бағдарланды. Әлеуметтік жобалар өз тиімділігін көрсетті. Осылайша, үкіметтік емес сектор мемлекеттің белгілі бір функцияларын орындай алатынын және орындауға дайын екенін атап өтуге болады. Ағымдағы жылы біз әлеуметтік маңызы бар жобаларды іске асыру жөніндегі қызметті жалғастырамыз. Мен атап өткендей, олар тәуелсіздіктің 30 жылдығы аясында өтуі тиіс. Шешуді талап ететін мәселелер әлі де көп, және 2021 жылы тиімді әрі жемісті жұмыс істейтінімізге сенім білдіргім келеді, - деп атап өтті Ерлан Құсайын.
ҮЕҰ Дерекқорына мәліметтер беруге келетін болсақ, өңірлерге осы мәселе бойынша бірлестіктерге ақпараттық және әдістемелік көмек көрсету туралы нақты тапсырмалар берілді.