Бектұров атындағы Қарағанды кітапханасы поэтикалық додаға қатысуға шақырады

Жайық Бектұров атындағы Қарағанды облыстық жасөспірімдер кітапханасы белгілі қазақ ақыны Мұқағали Мақатаевтың туғанына 90 жыл толуына орай «Мұқағали - мәңгілік жыр» поэтикалық дода өткізеді. Байқау 17 ақпан күні сағат 12.00-де кітапхананың @bekturov_library Instagram парақшасында өтеді.

Оған Қарағанды облысының 15-22 жас аралығындағы тұрғындары қатыса алады. Байқауға қатысушылар ақынның бір немесе екі өлеңін оқып, бейне түсіріп, оны karaganda oub@mail.ru поштасына жіберуі керек.

Бейне 17 ақпанда сағат 12.00-де @bekturov_library парақшасында жарияланады және әрбір бейненің астында реттік нөмірі көрсетіледі.

«Оқырмандар әр қатысушының өлеңін комментарийге нөмірін жазу арқылы бағалайды», - деп атап өтті кітапханада.

Ақындық дода «Тәуелсіздіктің 30 жылдығына-30 кітап» республикалық рухани-мәдени акция аясында өткізіледі.