Қарағандылықтарды Жамбыл Жабаевтың 175 жылдығына арналған мәнерлеп оқу байқауына қатысуға шақырады

Кеншілер мәдениет сарайы ұлы ақын, жырау, жыршы Жамбыл Жабаевтың туғанына 175 жыл толуына орай «Жүз жасаған жүректен» атты облыстық онлайн-мәнерлеп оқу байқауын өткізеді. Оған Қарағанды облысы мектептерінің 5-8 сынып оқушылары қатыса алады. Басты шарт – Жамбыл Жабаевтың шығармасын жатқа оқып, бейне түсіру.

Бейне Кеншілер мәдениет сарайының @dkg_krg Instagram парақшасында жарияланатын болады. Өтінім парағы бар ролик 23 ақпанға дейін мына электрондық мекенжайға қабылданады: dkg_11@mail.ru.

Жеңімпаздарды іріктеу кезінде қазақ тілінің орфоэпиялық нормаларына сәйкес көркем мәтінді таңдауға және оқу, айту дағдыларына ерекше назар аударылатын болады.

Онлайн-байқаудың қорытындысы 26 ақпанда шығарылады. Жеңімпаздарға дипломдар мен сыйлықтар, ал барлық оқырмандар мен олардың жетекшілеріне алғыс хаттар беріледі.

Анықтама телефондары: 8-707-121-83-99, 8-708-294-15-36.