Қарағандыда Әлімхан Ермеков атындағы облыстық математика олимпиадасының қорытындысы шығарылды

Қарағанды облысының білім басқармасы және "Сарыарқа дарыны" балаларға арналған қосымша білім беру аймақтық ғылыми-тәжірибелік орталығы алғашқы қазақ математик-профессоры, қазақ тіліндегі Жоғары математика курсының алғашқы оқулығының авторы Әлімхан Ермековтың туғанына 130 жыл толуына орай математикадан I облыстық онлайн-олимпиада өткізді.

Оған жалпы білім беретін мектептердің, гимназиялардың, лицейлердің және мамандандырылған мектеп-интернаттардың 8-ші сыныптарының 221 оқушысы қатысты.

78 оқушы зияткерлік жарыстың жеңімпаздары мен жүлдегерлері атанды. Бас жүлдені Қарағанды қаласының "Дарын" мамандандырылған мектеп-интернатының оқушысы Алмат Мұздыбай алды. Сондай-ақ, 7 қатысушы бірінші орынды, 28 - екінші және 42 - үшінші орынды жеңіп алды.

Жеңімпаздар мен жүлдегерлер І, ІІ және ІІІ дәрежелі дипломдармен марапатталды. Олимпиаданың барлық қатысушыларына сертификаттар берілді.