Қарағанды облысының "Жұлдыз" ансамблі Online Wave халықаралық байқауының лауреаты атанды

Абай қаласы Мәдениет үйінің Жанар Мансұрдың жетекшілігіндегі "Жұлдыз" хореографиялық ансамблінің ересек тобы Испан елі ұйымдастырған Online Wave халықаралық конкурсына қатысып, "Халық биі" номинациясы бойынша екінші дәрежелі лауреат атанды.

- Кез келген оқиға жеке тұлғаға негізделген. Қазақтың кәсіби хореографиялық өнерінің 85 жылдық тарихында әрбір ұрпақ өзінің даралығын, пластикалық тілді түсінуін, бірақ қазақ биінің өзіндік ерекшелігін сақтап қалды, - дейді "Жұлдыз" ансамблінің жетекшісі Жанар Мансұр. - Біздің ұжым қазақ халық биінің әсемдігі бейнеленген "Білезік" биін дайындады. Өйткені, қазақ би өнерінің байлығы соншалық, қозғалыстар негізінде тұрмыстық және философиялық тақырыптарды бейнелеуге болады. Біз еліміз Қазақстанды халықаралық байқауда таныстырып, өнер додасына қатысқанымызды мақтан тұтамыз.