Қарағанды облысында киіктерді бақылау күшейтілді

Қарағанды орман және жануарлар дүниесін қорғау бойынша шаруашылығының мамандары киіктерді бақылауды күшейтті. Әлсіреген жабайы жануарлар анықталған жағдайда облыс тұрғындары (8-7212) 44-29-71, 43-79-38 нөмірлері бойынша хабарласа алады.

Жексенбіде үш топ жағдайды зерттеу үшін Жаңаарқа және Нұра аудандарына шықты. Олар ақбөкендер тұратын жерлерді басқарады және жануарларды шөппен қоректендіреді.

Жақында әлеуметтік желілерде аяздың салдарынан әлсіреген ақбөкендер елді мекендер мен жолдардың жанына шығып жүргені туралы хабарламалар жарияланған болатын. Мамандар түсіндіргендей, жануарлардың мұндай әрекеттері желтоқсан айындағы күйлеуімен байланысты. Ақбөкендер әлсірейді, кейбіреулері тіпті өліп қалады. Бұл қалыпты процесс: табиғи сұрыпталу. Мәселен, Ақмола және Қарағанды облыстарында 14 ақбөкен қаза тапты. Біздің өңірде барлығы 20 мың бас бар.

- Қазір олардың күйлеу кезеңі. Көбіне аталық бөкендер қырылып қалды. Олар әлсіреп қалды. Әлеуметтік желілерде олардың жолға шығып кеткен бейнелері салынды. Ия, мұндай фактілер бар. Біз қосымша жем таратамыз. Ауылдық әкімдіктер көмектеседі, - деді Қарағанды орман және жануарлар дүниесін қорғау шаруашылығының директоры Мақсат Мұқанов.

Қарағанды облысының Табиғи ресурстар және табиғат пайдалануды реттеу басқармасы баспасөз қызметінің ақпараты бойынша