Қарағанды Назарбаев Зияткерлік мектебіне оқуға түсу үшін құжаттар қабылдануда

Қарағанды қаласының химия-биология бағытындағы Назарбаев Зияткерлік мектебінде 7-сыныпқа түсу үшін конкурстық іріктеуге құжаттар қабылдануда. Ол 23 қаңтарға дейін жалғасады.

Қабылдау комиссиясы дүйсенбіден сенбіге дейін 09.00-ден 18.00-ге дейін жұмыс істейді. Үзіліс 12.30-дан 13.30-ға дейін.

Карантиндік шектеулер кезеңінде қауіпсіздікті қамтамасыз ету және санитарлық талаптарды сақтау мақсатында мектепке баратын күні мен уақытын алдын ала брондауға мүмкіндік беретін онлайн-брондау сервисі құрылды. Ол үшін келесі әрекеттер ету қажет:

- krg.nis.edu.kz сайтын ашу;

- "үміткерлерге" бөліміне кіру;

- "қабылдау комиссиясына баруға кезекті брондауды" таңдау;

- құжаттарды тапсыру үшін мектепке бару күні мен уақытын күнтізбеде анықтау.

Сондай-ақ конкурс және құжаттар тізбесі туралы толық ақпаратты krg.nis.edu.kz сайтынан, "үміткерлерге" бөлімінде білуге болады.

Мектеп мекен-жайы: Шахтерлер даңғылы, 62. Анықтама телефоны: (8-7212) 55-88-80.