Қарағандылықтардың назарына мерекелік концерттер ұсынылады

Қарағандылықтарды, классикалық музыка мен джаз әуесқойларын Рождестволық және жаңа жылдық концерттер күтеді.

Рождестволық концерт ұйымдастыру Қ. Байжанов атындағы концерттік бірлестіктің жақсы дәстүріне айналды. Е.Рахмадиев атындағы симфониялық оркестр 9 қаңтар күні сағат 15.00-де және 16 қаңтар күні сағат 17.00-де "Шалқыма" концерт залында классикалық музыканың ғажайып әлемін тамашалауға шақырады.

Бұл кеште Леонард Бернстайн, Жорж Бизе, Джоаккино Россини, Эдуард Элгар, Лерой Андерсон, Иоганн Штраус және басқа да танымал композиторлардың шығармалары орындалады.

Дирижер - халықаралық байқаулардың лауреаты Пак Юн Хван.

Сондай-ақ, 9 қаңтарда сағат 17.00-де циркте джаз оркестрінің "Қысқы хиттер" жаңа жылдық концерті өтеді.

Солист - джаз фестивалінің лауреаты Ксения Николаева.

Дирижер - ҚР еңбек сіңірген қайраткері Игорь Андрейченко.

Залдардағы қонақтар саны шектеулі - 50-ден аспайды.

Анықтама телефондары: 41-13-14, 41-22-30.