Қарағанды кітапханасы "Менің отбасымдағы Жеңіс күні" акциясының қорытындысы бойынша электронды жинақ шығарды

Абай атындағы Қарағанды балалар кітапханасы "Менің отбасымдағы Жеңіс күні" акциясына қатысушылардың шығармашылық жұмыстарынан тұратын электронды жинақ шығарды. Байқауға қатысушылар отбасылық мұрағаттарды, Ұлы Отан соғысының ардагер-туыстарының өмірбаяндарын зерттеді. Барлығы 36 жұмыс ұсынылды.

"Басты мақсат балаларды жақын туыстары - Ұлы Отан соғысы ардагерлерінің тарихына отбасылық мұрағаттарды зерттеу арқылы тарту болды", - деп хабарлады кітапханада.

Жинақтың бейнешолуын кітапхана сайтынан және Instagram-дағы @odb_abai парақшасынан көруге болады. Сондай-ақ, байқауға қатысушылардың барлығына кітаптың электронды нұсқасы жіберіледі.

Естеріңізге сала кетейік, "Менің отбасымдағы Жеңіс күні" виртуалды акциясын Абай атындағы облыстық балалар кітапханасы 15-ші сәуірде іске қосты және ол 30 қарашаға дейін жалғасты. Оған Қарағанды өңірінің тұрғындары жасына қарамастан қатыса алды. Айта кету керек, Нұр-Сұлтан қаласының өкілдері де өз жұмыстарын кітапханаға жіберген. Басты шарт - Instagram-дағы @odb_ abai парақшасына жазылу болды.