Қарағандыда облыстық дебат турнирінің жеңімпаздары марапатталды

Қарағанды облысында "Сарыарқа саңлағы" жобасының қорытындысы шығарылды. Мектеп оқушылары мен колледж студенттері арасындағы дебаттық турнирлер осы жастар бағдарламасы аясында өткізіледі. Ол қазақ халқының ұлы ойшылдары мен қоғам қайраткерлерінің мәдени мұрасын сақтауға және арттыруға арналған.

Пікірсайысты ұйымдастырушылар - білім басқармасы мен балаларға арналған "Сарыарқа дарыны" өңірлік ғылыми-тәжірибелік қосымша білім беру орталығы.

Өңірдегі мектептер мен колледждердің зерек оқушыларын марапаттауға Қарағанды облысы әкімінің орынбасары Абзал Нүкенов қатысты.

Бірінші кезеңдегі мектептер арасындағы жеңімпаздар: "Алаш" командасы - қазақ лигасы, Қарағанды қаласының мамандандырылған "Дарын" мектеп-интернаты; "Нирвана" командасы - орыс лигасы, Қарағанды қаласының № 97 гимназиясы.

Екінші кезеңде мектептер арасында жеңіске жеткен командалар: BILIionaire - қазақ лигасы, Қарағанды қ. "№2 білім инновациялық лицейі"; Вanda - орыс лигасы, Қарағанды қ. "Дарын" мамандандырылған мектеп-интернаты.

Колледждер арасындағы бірінші кезеңнің көшбасшылары: "Қазақмыс" корпорациясының политехникалық колледжінің "Жұлдыз" командасы (Балқаш қ.) - қазақ лигасы; ҚЭУК экономика, бизнес және құқық колледжінің "Ұлағат" командасы - орыс лигасы.

Колледж студенттері арасындағы екінші кезеңнің жеңімпаздары: А.Құнанбаев атындағы Саран гуманитарлық-техникалық колледжінің "Жеңіс" командасы - қазақ лигасы және Қарағанды коммерциялық колледжінің "Лидер" командасы - орыс лигасы.

Жеңімпаздарға алғыс хаттар, сертификаттар мен сыйлықтар табыс етілді.