Қарағанды облысының тұрғындары Жеңіс Қасымбекке өз проблемалары туралы айтып берді

Қарағанды облысының әкімі Жеңіс Қасымбек облыс тұрғындарын ай сайын қашықтықтан қабылдау жүргізді. Аймақ басшысынан азаматтар жолды жөндеу және дәрі-дәрмекпен қамтамасыз ету мәселесін шешу бойынша көмек сұрады.

Қарқаралы ауданының тұрғыны Қанат Сыздықанов ауыл тұрғындары атынан Жеңіс Қасымбекке жол жөндеуін сұрады.

- Мен Қасым Аманжолов атындағы ауылдық округтенмін, бізде жолдың 17 шақырымы нашар жағдайда. Өткен жылы жолаушылар көлігі және автомобиль жолдары басқармасына құжаттарды дайындау тапсырылды. Сонан соң олар жақын арада жолды жөндейді ме, жоқ па, жауап беруі керек еді, - деді Қанат Сыздықанов.

Қарағанды облысының жолаушылар көлігі және автомобиль жолдары басқармасының басшысы Әскербек Халтоновтың айтуынша, құжаттар дайындалды, мемлекеттік акт дайын және жол Қарқаралы ауданының ТКШ балансына берілді. Енді "Нұрлы жол" бағдарламасы бойынша жөндеу жұмыстарын республикалық бюджеттен қаржыландыруға құжаттар тапсыру қажет. Бірақ ол үшін 1000 адамнан кем емес халық саны қажет, ал ауылдық округте 400-ге жуық адам тұрады, деп атап өтті Әскербек Халтонов.

- Министрлік жолды жөндеу мәселесін ақпан айында қарауға уәде берді. Аудан әкіміне барлық сараптамалары бар ЖСҚ дайындауға тапсырма беремін. Содан кейін бұл мәселені шешеміз, - деп уәде берді Жеңіс Қасымбек.

Қарағандылық Назерке Смағұлова облыс әкіміне оның ұлы Айбарға қымбат тұратын "Этеплирсен" препараты қажет екенін айтты. Оның бұлшықет дистрофиясы бар. Бірақ дәрі алу үшін мәслихатқа өтініш беру керек.

- Препарат Қазақстанда тіркелмеген және шекті құны жоқ. Қолданыстағы заңнамаға сәйкес мәслихат шешімі бойынша емханаларда қолданылатын дәрі-дәрмектер сатып алынады. Бұл препарат ауруханада қолданылуы керек. Біз Денсаулық сақтау министрлігіне хат жаздық. Жауап алған кезде мәслихатқа өтініш береміз, - деп түсіндірді Денсаулық сақтау басқармасының басшысы Ержан Нұрлыбаев.

- Мәселені мәслихаттың таяудағы сессиясына шығару керек, - деді өңір басшысы.

Сондай-ақ, Теміртаудағы құрылыс алаңында кәмелетке толмаған баланың құлауы да талқыға салынды. Жас жігіттің анасын дәрі-дәрмекпен қамтамасыз ету мәселесі қызықтырды.

- Денсаулық сақтау басқармасының басшысы баланың емделуін бақылауда ұстайды. Дәрі-дәрмекпен мәселе шешілді, - деді өңір басшысы.

Естеріңізге сала кетейік, карантинге байланысты облыс әкімінің қабылдауы әр айдың соңғы жұмасында онлайн жүргізіледі. Жазылу ай сайын (8-7212) 42-11-29 телефоны бойынша 5-20-29 аралығында өтеді.