Zhas Project Шахандағы қазақ халқының мәдениеті мен дәстүрін жаңғыртуға көмектеседі

Шахан қаласының тұрғыны Айгерім Асқарова миллион теңгеге грант тағайындау жобасына қатысып, қолөнер және қазақ тілі курстарын ашты. Zhas Project көмегімен ол жерлестеріне өз халқының мәдениеті мен дәстүрлеріне деген сүйіспеншілігін оятады.

Білімі бойынша Әйгерім экономист. Бірақ ол әрқашан өз қолымен бір нәрсе жасауды ұнататын.

- Мен екі тамаша баланың анасымын. Декреттік демалыста бола тұра, қазақ әдет-ғұрыптарын өткізуге арналған атрибуттарды тігумен және дайындаумен айналысуды шештім. Үйде тапсырыс қабылдадым. Анамның ескі кеңес уақытынан қалған машинкасында тіктім. Бұл баланың кереуетіне қоятын жастықтар, перзентханадан шығарғанда баланы орайтын конверттер болды. Ыдыс-аяқтарды, қасықтарды, қырқынан шығару рәсімін өткізуге арналған қайшыларды безендірдім. Ақ жол мен тәй-тәй тігіп, безендірдім. Бұл қазақтың қыз ұзату және Тұсау кесу ғұрыптары үшін қажет. Мен безендіруге арналған барлық элементтер мен жазуларды қолмен ойып жасадым, - дейді тігінші.

Әйгерім заманауи тігін машинасы мен арнайы материалдардан өрнек қиюға арналған лазерлік станок туралы армандаған. Zhas Project әлеуметтік жобасы туралы білген соң, өз арманымды жүзеге асырып, өз білімін басқалармен бөлісе алатынын түсінген.

- Декреттік демалыста жүрген әйелдерге арналған қолөнер курстарын ашу идеясы туындады. Олар қызықты іспен айналысып, ақша табу үшін. Шілдехана, бесік той, қырқыннан шығару, тұсау кесу сияқты әдет-ғұрыптар туралы мен бала кезімнен білемін. Біздің отбасымызда менің халқымның барлық салт-дәстүрлері сақталды. Мен өздері тұрып жатқан елдің мәдениетін барынша көп адамның танығанын қалаймын, - дейді Әйгерім.

Қолөнер бойынша шеберлік сабақтарға негізінен көп балалы және жалғыз басты аналар қатысады. Бұл 25-тен 45 жасқа дейінгі әртүрлі ұлт өкілдері. Олар үшін бұл жаңа нәрсені үйрену мүмкіндігі ғана емес, сонымен қатар күнделікті алаңдаушылықтан арылуға және пікірлес адамдармен сөйлесуге мүмкіндік береді.

Қазақ тілі курстарын ашу идеясын Әйгерім Асқароваға оның ұлы ұсынған. Шахан ауылында бір ғана балабақша бар, оның өзі орыс тілді.

- Менің ұлым балабақшаға барып, бізбен орыс тілінде сөйлеседі, бірақ біз бәріміз үйде қазақ тілінде сөйлесеміз. Мұндай жағдай жалғыз біздің отбасымызда ғана емес. Сондықтан мен тілдік курстар ашуды да ұйғардым. Бізде №2 жалпы білім беретін мектептің мұғалімі Гүлім Ержұманова сабақ береді, - дейді Әйгерім.

Zhas Project жобасының қатысушысы Тоғжан Әділбек, Гүлім Ержұманова және тәлімгер Марина Морозова жобаны іске асыруға көмектеседі.

- Біз тек алға жылжып, барлық идеяларымыз бен ойларымызды жүзеге асыруға ниеттіміз. Болашақта ЖК ашып, Шаханның игілігі үшін жұмыс істеуді жоспарлап отырмыз. Біздің команда барлығы өз мақсаттарына жетуді, тоқтап қалмауды және алға жылжуды қалайды. Өз күшіңізге сеніңіздер, сол кезде сіздерде барлығы міндетті түрде ойдағыдай болады! - дейді Әйгерім.