Ленин атындағы шахта жылдық жоспарды мерзімінен бұрын орындады

Қарағанды облысының кеншілері пандемияға байланысты қиындықтарға қарамастан, жылдық тапсырманы мерзімінен бұрын орындай алды. «АрселорМиттал Теміртау» АҚ Көмір департаментінде В.И. Ленин атындағы шахта өндіру бойынша бизнес-жоспарды бірінші болып орындады.

Кәсіпорын 1 млн 450 мың тонна көмір өндірді. Өндірістік нәтижені аяқтау үшін қажетті көлемге қол жеткізген бригаданы салтанатты жағдайда жер бетінде қарсы алды.

- Бұл, әрине, бүкіл ұжымның жұмысы. Ай сайын, жыл бойы шахта жоспарды орындайды және тұрақты жұмыс істеп келеді. Қарқынның төмендемеуін тілеймін, - деді «АрселорМиттал Теміртау» АҚ Көмір департаментінің өндіріс жөніндегі директоры Сергей Огай.

Осы жылы Ленин атындағы шахтада біраз уақыт «Абай» кеніштері жұмыс істеді. Қазір олар өз кәсіпорнына оралды.

- Барлық қиындықтарға қарамастан, біз өндіру бойынша жылдық бизнес-жоспарды мерзімінен бұрын орындай алдық. Жыл бойы бізде екі лава жұмыс істеді. Өндірістік тапсырманы орындауда кәсіпорынның барлық учаскелері еңбек етті, - деп атап өтті В.И. Ленин атындағы шахтаның өндіріс жөніндегі директорының орынбасары Жақсыбай Бейсембаев.

«АрселорМиттал Теміртау» АҚ баспасөз қызметінің ақпараты бойынша