Қарағанды университетінде "Мұң қосбасар" жинағы таныстырылып, "Күй тартыс - 2020" байқауының жеңімпаздары марапатталды

Академик Е.Бөкетов атындағы ҚарУ Студенттер сарайында Жанғали Жүзбайдың "Мұң қосбасар" жинағының тұсаукесері өтті. Сонымен қатар, күйші Қыздарбек Төребайұлының туғанына 170 жыл толуына орай "Күй тартыс" байқауының жеңімпаздары марапатталды. Композитордың күйлерін оның талантын сүйетіндердің бірнеше буыны біледі. 

- Бүгін біз Қыздарбек Төребайұлының 170 жылдығын атап өтудеміз. Шебердің музыкалық шығармалары "Мұң қосбасарда" жинақталған. Жинақтың тұсаукесері Біздің университетте өтіп жатыр, - дейді ҚарУ ректоры Нұрлан Дулатбеков.

Іс-шараны белгілі күйші, өнертанушы, Қазақстанның еңбек сіңірген қайраткері, Қазақ ұлттық өнер университетінің профессоры Жанғали Жүзбай ұйымдастырды. Модератор - айтыскер, ақын және Қарағанды облысының "Рухани жаңғыру" жобалық кеңсесінің жетекшісі Айтбай Жұмағұлов.

- Біздің кездесуіміздің басты себебі - күй өнерін дәріптеу. Жинақты қолдан қолға беру үшін шығардық, - деп атап өтті күйші Жанғали Жүзбай.

"Мұң қосбасар" жинағына Қыздарбек Төребайұлының шығармаларын түпнұсқада орындаған композитор Орал Исатайұлы күйлерінің ноталары және ұлы күйші туралы үздік естеліктер енді.

Жинақты құрастырушы Жанғали Жүзбай кездесуде Қыздарбек Төребайұлы мен Орал Исатайұлы туралы айтып берді. Сондай-ақ Орал Исатайұлының орындауындағы күй жазбаларын сақтаған жазушы Кәмел Жүністегінің шығармашылығына тоқталды.

- Бізде бұрын орындалмаған Қыздарбек Төребайұлының музыкалық шығармалары сақталған. Олардың барлығы жарияланады деп үміттенеміз, - деді жазушы және журналист Мұхамедқали Баймұханов.

Шара соңында Жанғали Жүзбай Қарағанды университеті ұйымдастырған дәстүрлі "Күй тартыс" байқауының жеңімпаздарын марапаттады.