Биыл Ақтоғай ауданында 34 жаңа фермерлік шаруашылық құрылды

Ақтоғай ауданындағы 34 жаңа шаруа қожалығының көпшілігі мал шаруашылығымен айналысады. Өткен жылы экспортқа 120 тонна ет жіберілді. 9 айдың қорытындысы бойынша ауыл шаруашылығы өнімі 13 млрд теңгеге өндірілді. Шаруа қожалықтарының басшылары бұл көрсеткішті төмендетпек емес. Бүгінде ауданда 90 шаруашылық қарқынды дамып келеді.

Аудандағы ең үлкен жетістіктерінің бірі - "Ерасыл" шаруа қожалығы. Оның басшысы өз ісіне 70 млн теңге жұмсаған. Осы қаражатқа ол мал басының өсімін арттырып, азықтандыру кешенін салды. Келесі жылы кәсіпкер шаруашылығын кеңейтуді жоспарлап отыр.

- Мен ақбас және әулиекөл тұқымды мал сатып алдым. Қыста мен бұзауларды семіртемін. Көктемде ветеринарды шақырып, жасанды ұрықтандыруды бастау үшін сиырларды бөлек ұстаймыз. Жылқы асырау жоспары бар, - дейді "Ерасыл" ш/қ басшысы Ержан Нұртазин.

Ақтоғай және Шет аудандарының өкілдерімен бірлесіп "СтепШет" ірі ЖШС құрылды.

- Олардың негізгі мақсаты - бес мың бас ұсақ мал өсіріп, экспортқа шығару, - деп түсіндірді Ақтоғай ауданының ауыл шаруашылығы бөлімінің басшысы Нұрланбек Жаңаберген.

Бүгінгі таңда Ақтоғай ауданында 689 фермерлік шаруашылық бар. Тек осы жылдың өзінде "Сыбаға" бағдарламасы бойынша екі кәсіпкер 46 млн теңгеге несие алды. "Қарапайым заттар экономикасы" бағдарламасы бойынша тағы төрт фермерге 72 млн теңгеге несие берілді.