Zhas Project жобасы Жартас ауылында слесарлық-ағаш шеберханасын ашуға көмектесті

Мемлекеттік қолдаудың арқасында Абай ауданында «Золотые руки» слесарлық-ағаш шеберханасы жұмыс істей бастады. Оның ашылуына миллион теңге көлеміндегі грант Zhas Project жастар корпусын дамыту жобасы арқылы берілді.

- Біздің ауылда мұндай цехтар жоқ. Мен жоба туралы білмес бұрын шеберхананы ұйымдастыруды жоспарладым. Менің мақсаттарым Zhas Project талаптарына сәйкес келді, - деді шеберхананың негізін қалаушы Руслан Эльмурзиев.

Жас кәсіпкердің мамандығы химик-технолог. Қарағанды университетін бітірген соң, жігіт құрылыс материалдары өндірісінде технолог және бұрғылау қондырғыларына қызмет көрсету жөніндегі сервис-менеджер ретінде қызмет етіп көрді. Бірақ ол әрқашан шығармашылықпен айналысып, шабыты бойынша жұмыс істегісі келген. Осылайша Русланның өз цехын ашу ойы туындаған.

- Құралдармен жұмыс жасауды маған бала кезімнен үйреткен. Жеке үйде тұратындарда әрдайым жөндеу және құрауға болатын нәрсе жетерлік. Сонымен қатар, жас кезімізде біздің команданың бір қатысушысымен біз демалыс күндері шеберханада жұмыс істедік. Онда бізді ағашпен жұмыс істеуге үйретті. Ал, мен арнайы курстарда металмен жұмыс істеуді үйрендім. Менің университеттік мамандығым да қазіргі қызығушылығыма көмектесті. Металл мен ағаш өңдеу үшін бояулармен, еріткіштермен, реагенттермен қалай жұмыс істеу керектігін білемін», - деп түсіндіреді шебер.

Жас жігітке әлеуметтік жобаны жүзеге асыруға достары көмектеседі. Русланмен бірге оның жолдастары Евгений Рудых, Антон Янченко және Анастасия Клименко ортақ команда құрған. Ауыл әкімдігінің қызметкері Оксана Гайдукова жастарға үлкен қолдау көрсетті.

- Жобаның ақшасына біз жұмысқа қажетті құралдарды сатып алдық: жартылай автоматты дәнекерлеу машинасы, тегістеуіш, компрессор, тегістеу машинасы, ағаш өңдеу машинасы. Бүгінгі біздің мақсатты аудиториямыз - Жартас ауылының жұмыссыз жастары. Бірақ тәжірибе көрсеткендей, шеберханаға ересектер де пайдалы дағдыларды игеру үшін келеді, - дейді Руслан.

Шеберханада 19 адам оқытылды. Қазір тағы алты адам слесарь-ағаш ұстасының негіздерін үйренеді. Жоба аяқталған кезде Руслан өз өнімдерін шығарып, үй және ел жиһаздарын жөндеуді жоспарлап отыр.

- Қызметтерді кеңейту үшін бірнеше өндірістік станоктар сатып алғым келеді. Туристік, балық аулау және аңшылық керек-жарақтарды кемпингтік жиһаз, құрал-саймандар, редукторлар және тағы басқалар жасау идеясы бар, - деп бөлісті Руслан.