Қарағандыда ҚР еңбек сіңірген жаттықтырушысы Вера Карпованы еске алу турнирінің қорытындысы шығарылды

Онлайн-режимде ҚР еңбек сіңірген жаттықтырушысы Вера Карпованы еске алуға арналған балалар мен жасөспірімдер спорт мектептері арасында ХV республикалық матчтық кездесу өтті. Ұйымдастырушылар - Қарағанды облысының дене шынықтыру және спорт басқармасы мен жеңіл атлетика федерациясы. Біздің команда бірнеше топтар арасынан ерекшеленіп, бірінші орынға ие болды.

Әр мектептің атынан 12 адам қатысты - алты ұл және 2007-2008 жылдары туылған алты қыз. Биыл онлайн-біріншілікке 200-ге жуық спортшы қатысты. Олардың арасында Израиль, Беларусь, Украина, Испания және Тәжікстан өкілдері, сондай-ақ Павлодар, Маңғыстау, Ақмола, Солтүстік Қазақстан, Шығыс Қазақстан, Қарағанды облыстарынан, Нұр-Сұлтан және Шымкент қалаларынан келген қазақстандық жас спортшылар бар. Спортшылар 60 метрге жүгіруден жарысты, ұзындық пен биіктікке секіру, кросс секілді спорт түрлерінен бақ таластырды.

Бүгін, 11 қараша күні дене шынықтыру және спорт басқармасында турнирдің жабылуы өтті. Біріншіліктің жеңімпаздары мен жүлдегерлеріне медальдар, грамоталар мен сыйлықтар табыс етілді. Қазақстанның басқа өңірлерінен келген шетелдік спортшылар мен жеңіл атлеттерге марапаттар мен алғыс хаттар поштамен жіберіледі. Бәсекелестікке қарамастан, ұлдар мен қыздар арасында командалық есепте Қарағанды облысының жеңіл атлетикадан олимпиадалық резервтің мамандандырылған балалар-жасөспірімдер мектебінің тәрбиеленушілері бірінші орынға ие болды.

Қарағанды облысының дене шынықтыру және спорт басқармасы баспасөз қызметінің ақпараты бойынша