Өткен демалыс күндері Ақтау кентінде сенбілік өтті

Теміртау қаласы әкімінің бастамасымен Ақтау кентіндегі көше қоқыстарын жинау жүзеге асырылды. Бұл елді мекен кездейсоқ таңдалған жоқ. 20 жылдан астам уақыт бойы ауылдың көшелерін тазарту қажеттілігі өткір мәселе болған. Тұрғындар, мердігер ұйымдар мен билік бірлесе отырып, күш-жігермен тазалық жұмыстарын жүргізді.

- Бұл жолмен көптеген балалар мектепке барады. Қазір оның таза бола түскені өте жақсы болды, - деп қуанышымен бөлісті кент тұрғыны Зайра Мұхаммедқалиева.

Сенбілікке мердігерлік ұйымдар да белсенді қатысты. Оның ішінде кенттің жаңа бөлігін тазалауға жауапты «АТП «ТРАНССТРОЙ» ЖШС кәсіпорны бар.

- Қазір біз Советская көшесінен қоқыс полигонын шығарып жатырмыз. Біз сондай-ақ Циолковский мен Новаядағы заңсыз қоқыс үйінділерін тазалаймыз. Барлық орталық көшелерді тазартамыз, - деді Ақтау кенті әкімінің міндетін атқарушы Әнуарбек Бахриденов.

Акцияға 50-ге жуық адам мен 6 арнайы техника қатысты. Жиналған қоқыс кент сыртындағы арнайы полигонға жеткізілді.

Ақтау кентінің басшылығы кезекті рет тұрғындарды тазалық сақтауға және қоқысты сол үшін арнайы бөлінген орындарға тастауға шақырады. Заңсыз қоқыс үйінділерін жою одан әрі жалғасады.