Қарағанды қаласының №3 гимназиясының оқушылары «Аралқұм – сусыз өмір» байқауының іріктеу кезеңінен өтті

Германияның Гёте-Институты бастамашылық еткен PASCH халықаралық жобасы шеңберінде №3 Қарағанды гимназиясы «Аралқұм – сусыз өмір» жобасына қатысты. Байқау Қырғызстан, Өзбекстан, Тәжікстан және Қазақстанның PASCH-мектеп оқушылары арасында өтті.

Тапсырма ретінде қатысушы сыныптастарымен бірге өзінің комикстерінің кейіпкерлерін ойлап тауып, содан кейін қысқа бейне жазуы керек болды. Кейіпкерлер Арал теңізінің өзбек және қазақ территорияларында біртіндеп кебуін зерттеумен айналысуы керек еді.

Байқаудың іріктеу кезеңінен №3 гимназияның екі оқушысы - 9 «В»-дан Томирис Қазиева мен 9 «А»-дан Ксения Кистанова, сондай-ақ Қырғызстаннан келген екі оқушы өтті. Енді төрт қыз келесі жылы Арал теңізіне Өзбекстанға бару мүмкіндігіне ие болады. Дәл сол жерде олар өздерінің экологиялық жобаларын аяқтайды.